Nor
gara.
Irabazi-asmorik gabeko erakunde pribatua, 1988tik Gipuzkoako Lurralde Historikoan surfa sustatu, antolatu eta garatzen duena.
Erakunde bakarra
Gipuzkoa osorako.
Gipuzkoako Surf Federazioa Euskadiko jarduera fisikoaren eta kirolaren martxoaren 30eko 2/2023 Legeak eta Euskadiko Kirol Federazioen urtarrilaren 31ko 16/2006 Dekretuak arautzen dute. Bere estatutuak 2025eko uztailaren 11ko Ebazpen bidez inskribatu ziren.
Erakunde eskudun bakarra da Gipuzkoan surf lizentzia federatiboak izapidetzeko, eta kirol honen ordezkaritza du Euskal Autonomia Erkidegoaren esparruan. Euskadiko Surf Federazioan integratuta dago, eta bere funtzioak harekin eta administrazio publikoekin koordinatuta garatzen ditu.
Federazioaren barruan ez da onartzen inolako diskriminaziorik arraza, sexu, erlijio, iritzi edo bestelako inguruabar pertsonal edo sozialengatik.
- Surfboard
- Bodyboard
- Kneeboard
- Longboard
- Stand Up Paddle Surf
- Stand Up Paddle Racing
Denboraldi bakoitzean
egiten duguna.
-
Gipuzkoako kirol jarduera federatua antolatu eta ordenatzea.
-
Surf lehiaketa ofizialak antolatzea diziplina desberdinetan.
-
Parte hartzeko eta lehiatzeko arauak ezartzea.
-
Federazio lizentziak izapidetzea.
-
Bere jardueratik eratorritako kirol gatazkak ezagutu eta ebaztea.
-
Diziplina ahalmena baliatzea aplikatu beharreko araudiaren arabera.
-
Teknikarien eta epaileen prestakuntzan laguntzea.
-
Erakundeekin lankidetzan aritzea dopinaren aurkako borrokan.
-
Bere baliabide ekonomikoak kudeatzea eta behar bezala aplikatzen direla zaintzea.
-
Emakumeen eta gizonen arteko berdintasuna sustatzea surfaren praktikan.